Makroiqtisodiy indikatorlarni ishlab chiqarish funktsiyalari yordamida tadqiq qilish
Maqola matnidan
Zamonaviy iqtisodiyot sharoitida davlatning iqtisodiy siyosatini samarali yuritish, makroiqtisodiy barqarorlikni ta’minlash va iqtisodiy rivojlanishni boshqarish uchun ishonchli va aniq makroiqtisodiy indikatorlar zarur hisoblanadi. Ushbu indikatorlar — yalpi ichki mahsulot (YaIM), inflyatsiya darajasi, ishsizlik ko‘rsatkichi, investitsiya hajmi, eksport-import saldosi kabi ko‘rsatkichlar — iqtisodiy holatni o‘lchash, baholash va prognozlashda muhim vosita bo‘lib xizmat qiladi. Ular davlat organlariga iqtisodiy jarayonlarni tahlil qilish va kelajakdagi qarorlarni qabul qilishda asos bo‘lib xizmat qiladi. Makroiqtisodiy indikatorlarni ishlab chiqarish funktsiyalari yordamida tadqiq qilish esa bu ko‘rsatkichlarning qanday shakllanishi, ular qanday omillar ta’sirida o‘zgarishi va bu o‘zgarishlarning iqtisodiyotga qanday ta’sir ko‘rsatishini chuqur tahlil qilish imkonini beradi. Ishlab chiqarish funktsiyalari iqtisodiy resurslar — kapital, mehnat va texnologiyaning o‘zaro aloqasi orqali milliy ishlab chiqarish hajmini aniqlashga xizmat qiluvchi matematik model bo‘lib, u makroiqtisodiy o‘sishning nazariy asosini tashkil etadi.